Nagiging sentro ng atensyon si Quezon City 1st District Representative Arjo Atayde matapos maungkat ang alegasyon ukol sa umano’y iregular na flood control projects. Sa kabila ng ingay at intriga, nanindigan ang aktor-turned-lawmaker na wala siyang tinatago, at handa siyang humarap sa anumang imbestigasyon.33
Sa isang ambush interview, lalo pang tumindig ang kanyang paninindigan. Tiniyak niyang hindi siya magtatago, hindi aalis ng bansa, at hindi iiwas sa alinmang pagdinig.
“Wala po akong itinatago. Hindi ako aalis ng bansa. Haharapin ko lahat ng binabato niyo” -Representative Arjo Atayde
Ayon kay Atayde, puro hearsay lamang ang mga paratang at hanggang ngayon ay wala pang malinaw na dokumento, testigo, o ebidensya na direktang nagdudugtong sa kanya o sa kanyang ama, si Arturo Atayde, sa mga kontrobersiyal na proyekto.
Sa pagharap niya sa Independent Commission for Infrastructure (ICI) direkta niyang sinabi na panahon na upang sagutin ang mga kumakalat na isyu. Hinamon din niya ang mga nagpaparatang na kung talagang may hawak silang ebidensya, ilabas na nila ito upang matapos na ang haka-haka. Ayon sa kanya, hindi siya takot sa katotohanan dahil malinis ang kanyang konsensya.
Sa gitna ng mga alegasyon, malinaw ang posisyon ni Rep. Arjo Atayde hahaharapin niya ang imbestigasyon, hindi iwas, at hindi pagtakas. Habang wala pang inilalabas na konkretong ebidensya, nakabitin pa rin ang pananaw ng publiko. Ngunit isang bagay ang tiyak magiging malaking usapin ito sa larangan ng pulitika at transparency.
Walang komento:
Mag-post ng isang Komento