Isa na namang makabuluhang paalala ang ibinahagi ng beteranang TV host at aktres na si Amy Perez, o mas kilala ng marami bilang Tyang Amy, na umantig sa puso ng maraming netizen. Sa kanyang mensahe, pinaalalahanan niya ang lahat lalo na ang mga kabataan na huwag kalimutan ang mga magulang na buong pusong nagsakripisyo para sa kanilang kinabukasan.
“Unahin mong bumawi sa mga magulang mo na nag-hirap para sayo.
Yung mga magulang mong tiniis ang pagod para lang makita kayong busog at nasa maayos na kalagayan…” - Amy Perez
Sa kanyang post, sinabi ni Amy Perez na hindi kayang tumbasan ng pera o materyal na bagay ang sakripisyong ibinibigay ng mga magulang. Aniya, marami ang nakakalimot bumalik-tanaw sa pinanggalingan, lalo na kapag nakakaangat na sa buhay. Paalala niya, ang tunay na tagumpay ay iyong may kasamang utang na loob at pagmamahal sa mga taong nag-aruga mula pa noong simula.
Sa kabila ng kasikatan ni Amy Perez sa showbiz, kilala siya bilang isang mapagmahal na ina na madalas ding magbahagi ng life lessons online, ang kanyang paalala ay hindi sermon, kundi pagmumuni-muni bilang isang magulang din na nakakaunawa sa hirap ng pagpapalaki ng anak.
Sa panahon ngayon na abala ang lahat sa trabaho at sariling buhay, mahalagang balikan ang simpleng aral ng utang na loob. Ang paalala ni Tyang Amy Perez ay isang simpleng mensahe ngunit may malalim na kahulugan.
Walang komento:
Mag-post ng isang Komento