Ipinahayag ng lead defense counsel ni dating Pangulong Rodrigo Duterte, na si Atty. Nicholas Kaufman, na muling magsusumite ng panibagong kahilingan para sa “interim release” sa International Criminal Court (ICC) sa sandaling mailabas na ang resulta ng medical evaluation ng dating pangulo. Ito ay matapos tanggihan ng ICC Appeals Chamber ang kanilang unang apela para sa pansamantalang kalayaan ni Duterte kaugnay ng kasong crimes against humanity na nag-ugat sa kontrobersyal na war on drugs sa ilalim ng kanyang administrasyon.
“The ICC Appeals Chamber has never affirmed the interim release of a person charged with crimes against humanity. We will reintroduce our request to release a man who is 80 years old and, as a result of debilitating physical and cognitive conditions, is incapable of flight or, as alleged, threats to witnesses” - Atty. Nicholas Kaufman
Ayon kay Kaufman, nakatakdang lumabas sa susunod na buwan ang resulta ng komprehensibong medical evaluation ni Duterte na kasalukuyang nakadetine sa The Hague, Netherlands.
Giit ng abogado, ito ang magiging batayan ng kanilang panibagong apela, dahil ang dating pangulo ay 80 taong gulang na at nakararanas ng matinding panghihina sa pisikal at kognitibong kakayahan.
Sa gitna ng patuloy na kaso sa International Criminal Court, nananatiling aktibo ang kampo ni dating Pangulong Rodrigo Duterte sa paghahanap ng legal na paraan upang maibalik ang pansamantalang kalayaan ng kanilang kliyente. Bagaman tinanggihan ng ICC ang unang apela, naniniwala ang defense counsel na si Atty. Nicholas Kaufman na may pag-asa pa, lalo na kung maipapakita ang malubhang kalagayan sa kalusugan ng dating Pangulo.
Walang komento:
Mag-post ng isang Komento