Mahigpit na nagbabala si Defense Secretary Gilbert “Gibo” Teodoro Jr. laban sa mga indibidwal o grupo na nananawagan ng “withdrawal of support” sa administrasyon ni Pangulong Ferdinand “Bongbong” Marcos Jr. Ayon kay Teodoro, ang ganitong hakbang ay maaaring ituring na rebellion o sedition sa ilalim ng batas, lalo na kung ito ay naglalayong maghasik ng kaguluhan o magpabagsak ng pamahalaan.
“Kapag nanawagan ka ng pagkakalas ng suporta sa isang lehitimong gobyerno, nilalabanan mo ang Konstitusyon at ang kaayusan ng estado. Maaari kang arestuhin at kasuhan sa ilalim ng batas,” - Defense Secretary Gilbert Teodoro Jr.
Giit ni Teodoro, ang kalayaan sa pagpapahayag ay isang karapatan, ngunit hindi ito lisensya upang himukin ang puwersa ng gobyerno o publiko na bumaliktad sa pamahalaan. Dagdag niya, may malinaw na linya sa pagitan ng lehitimong protesta at destabilization efforts, at anumang hakbang na lalampas sa hangganang iyon ay may katapat na parusa.
Sa kanyang matapang na pahayag, ipinakita ni Defense Secretary Gilbert Teodoro Jr. na handa ang gobyerno na ipagtanggol ang katatagan ng bansa laban sa anumang panawagan ng destabilisasyon.
Walang komento:
Mag-post ng isang Komento