Matapang na binanatan ni dating Congressman Mike Defensor si Pangulong Ferdinand “Bongbong” Marcos Jr., kaugnay ng mga patong-patong na alegasyon ng korapsyon na lumalabas sa ilalim ng kanyang administrasyon. Ayon kay Defensor, bilang pinuno ng bansa, tungkulin ng Pangulo na tiyakin na walang nangyayaring katiwalian sa gobyerno at kung mayroon man, siya ang dapat unang managot.
“President Marcos, ikaw ang mastermind, ikaw ang dapat mahiya, ikaw ang dapat ikulong ng sambayanang Pilipino” - Mike Defensor
Binigyang-diin ni Defensor na hindi maaaring ipasa sa mga opisyal o kalihim ang lahat ng sisi dahil ang Pangulo ang may pinakamataas na kapangyarihan at pananagutan. Ayon sa kanya, kung talagang nais ni Marcos na linisin ang gobyerno, dapat magsimula siya sa sariling administrasyon at sa mga taong pinakamalapit sa kanya.
Hinikayat ni Defensor ang Palasyo na maging bukas sa lahat ng imbestigasyon, lalo na sa mga isyung may kinalaman sa flood control anomaly at mga proyektong pinondohan ng malalaking halaga.
Ang pahayag ni Mike Defensor ay malinaw na mensahe ng pagkadismaya at panawagan ng accountability mula sa pinakamataas na opisina ng bansa.
Walang komento:
Mag-post ng isang Komento