Naglabas ng hinanakit ang social media personality na si Diwata matapos niyang ibahagi ang biglaang pagkakautang na aabot sa mahigit ₱300,000 kasama pa ang iba pang bayarin na hindi umano niya alam na siya pala ang mananagot.
"Nakakaiyak talaga, 300 thousand plus babayaran ko… Bukod pa sa 350 thousand na cash, nautangan pa nila ako. Sobrang sakit para sa akin kasi hindi naman ako mayaman. Alam n’yo naman yung journey ko sa buhay, nagsikap lang ako." -Diwata
Sa kanyang pahayag, ikinuwento niya na tila napilitan siyang akuin ang gastos na para umano sa Quezon City branch kung saan nakalagay ang pangalan niya sa file ng may-ari. “Ako talaga ‘yung magbabayad, obligado ako,” aniya.
Dagdag pa niya, hindi lang ito simpleng bayarin kundi napakalaking halaga na hindi madaling buuin. “Nakakaiyak talaga, 300 thousand plus babayaran ko… Eh kung tutuusin wala naman akong kaalam-alam doon na ako ang magbabayad kaya masama ang loob ko.”
Bukod dito, inamin din ni Diwata na may dagdag pang problema dahil nautangan pa siya ng ₱350,000 na cash, kaya’t doble ang kanyang bigat sa kalooban. “Wala na nga akong kinita doon sa paresan ko, nautangan pa sila ako at magbabayad pa ako,” dagdag niya.
Para kay Diwata, ang sitwasyong ito ay lubhang mabigat dahil hindi siya kabilang sa mayayaman. Aniya, lahat ng kanyang narating ay bunga ng sariling sikap. “Sobrang sakit para sa akin kasi hindi naman ako mayaman. Alam n’yo naman yung journey ko sa buhay, nagsikap lang ako.”
Ang naging karanasan ni Diwata ay sumasalamin sa hirap na dinaranas ng maraming Pilipino na nagsusumikap kumita ngunit biglang napapasan ng mabigat na responsibilidad na hindi nila inaasahan. Sa kabila ng sakit at pagkadismaya, pinapatunayan niyang nananatili siyang matatag at patuloy na lumalaban para sa kanyang kinabukasan.
Walang komento:
Mag-post ng isang Komento