Sa gitna ng makulay ngunit puno ng hamong mundo ng showbiz, muling nagpahayag si Toni Gonzaga ng makahulugang mensahe na tumama sa puso ng maraming netizens. Sa isang panayam, ibinahagi ng TV host-actress ang kanyang pananaw tungkol sa paninira ng ibang tao at kung paano ito dapat harapin.
Ayon kay Toni, “Pwedeng sirain ng iba ang pangalan mo. Paglaruan ang pagkatao mo at gumawa ng kwento laban sa’yo, pero hinding-hindi nila kayang kunin yung mabubuti mong ginawa. Kasi kahit anong paninira pa ang gawin nila, yung mga tunay na nakakakilala sayo. Sila ang makakakita ng totoo mong halaga.”
Aniya, normal na bahagi ng buhay lalo na sa industriya ang pintasan at baluktuting kwento ng iba tungkol sa iyo. Ngunit naninindigan siya na hindi kailanman mabubura ng anumang paninira ang mabubuting bagay na ginawa mo para sa ibang tao.
Para sa kanya, higit na mas mahalaga ang pananaw ng mga taong tunay na nakakakilala sa iyo kumpara sa opinyon ng mga taong naninira lang. Isang matapang na paalala ito sa mga taong nakakaranas ng matinding panghuhusga sa social media na hindi ang mga bashers o tsismis ang magdidikta ng iyong tunay na pagkatao.
Sa dami ng ingay at panghuhusga sa mundo ng social media at showbiz, muling pinaalala ni Toni Gonzaga na hindi kailanman mawawala ang tunay na pagkatao at halaga ng isang tao. Ang opinyon ng mga taong tunay na nakakakilala sa iyo ay higit na mas mabigat kaysa sa mga paninira ng hindi nakakakilala. Ang mensaheng ito ay hindi lang para sa kanya bilang isang artista, kundi para sa lahat ng dumadaan sa parehong karanasan.
Walang komento:
Mag-post ng isang Komento