Naalarma ang publiko noong Lunes, Hulyo 22, matapos mabalitang isinugod sa ospital si Senator Bong Go dahil sa malubhang back spasm, isang uri ng matinding pananakit ng likod na maaaring makaapekto sa galaw at kalusugan ng isang tao.
Habang marami ang nagtaka sa hindi niya pagdalo sa ika-apat na State of the Nation Address (SONA) ni Pangulong Ferdinand Marcos Jr., agad namang nilinaw ni Go sa kanyang Facebook post ang dahilan ng kanyang pagkawala.
“Huwag matakot magpa-hospital. Alagaan ang kalusugan dahil ang kalusugan ay katumbas ng buhay ng bawat Pilipino,” ani Senator Bong Go habang nagpapagaling sa ospital.
Ayon sa senador, sumailalim siya sa physical therapy at X-ray bilang bahagi ng agarang gamutan sa iniindang pananakit ng likod. Pinayuhan din siya ng mga doktor na magpahinga upang makaiwas sa lalong paglala ng kondisyon.
Ang karanasang ito ni Senator Bong Go ay paalala sa lahat na hindi hadlang ang posisyon sa gobyerno upang isantabi ang pansariling kalusugan. Sa dami ng kanyang tungkulin, napatunayang kailangang bigyang-halaga rin ang katawan at pahinga.
Hindi man siya nakadalo sa SONA, mas pinili niyang alagaan ang sarili upang mas mapaglingkuran pa ang bayan. Sa panahong madalas nating inuuna ang trabaho, ang mensahe niya ay malinaw at makabuluhan:
“Ang kalusugan ay buhay. Hindi ito dapat ipinagwawalang-bahala. Lahat tayo, may responsibilidad alagaan ang ating katawan.” – Sen. Bong Go
Maging inspirasyon sana sa lahat ang hakbang na ito ni Senador Bong Go: huwag mahiyang magpatingin, huwag matakot magpaospital, at higit sa lahat, alagaan ang sarili upang mas makapaglingkod sa pamilya at sa bayan.
Walang komento:
Mag-post ng isang Komento