Nagdulot ng ingay sa publiko ang balitang lumipad patungong Singapore si Acting Davao City Mayor Sebastian “Baste” Duterte dalawang araw bago ang inaabangang charity boxing match laban kay PNP Chief Gen. Nicolas Torre III.
“Hindi ako umaatras sa laban. May plano na talaga itong biyahe, pero kung oras na para magharap kami ni Gen. Torre, lalaban ako—para sa charity at para sa bayan.” - Baste” Duterte
Ayon sa ulat ng National Bureau of Investigation (NBI), umalis si Duterte mula sa Davao International Airport noong Biyernes ng umaga, Hulyo 25, at nakarating sa Singapore bandang alas-8 ng umaga. Kinumpirma rin ng Bureau of Immigration ang kanyang paglabas ng bansa.
Matatandaang si Baste mismo ang naghamon ng suntukan kay Torre sa isang vlog na kanyang in-upload sa social media. Hindi nagtagal, tinanggap ni Torre ang hamon at iminungkahi pa na gawing charity boxing match ang laban upang makalikom ng pondo para sa mga nasalanta ng kalamidad.
Ngunit bago pa man pormal na matuloy ang laban, naglatag ng kondisyon si Baste:
“Kung gusto matuloy ang laban, dapat utusan ni Pangulong Ferdinand Marcos Jr. ang lahat ng opisyal ng gobyerno na sumailalim sa hair follicle drug test, kasama na si President Marcos.”
Dahil dito, marami ang nagtaka kung ang pag-alis ni Baste patungong Singapore ay tanda ng pag-urong o simpleng nauna nang plano bago ang laban.
Ayon naman sa isang source na malapit sa pamilya Duterte, matagal nang planado ang biyahe ni Baste bago pa man mabuo ang boxing challenge. May posibilidad din na dumiretso si Baste sa The Hague para bisitahin ang ama niyang si dating Pangulong Rodrigo Duterte, na kasalukuyang nahaharap sa paglilitis sa International Criminal Court (ICC).
Ang biglaang biyahe ni Baste Duterte papuntang Singapore ay nag-iwan ng mga tanong kung matutuloy pa ang charity boxing match laban kay PNP Chief Torre. Totoo man o hindi na matagal na itong plano, ang usaping ito ay nagpapakita na minsan, mas pinahahalagahan ang personal na obligasyon kaysa sa hamon na sumikat sa publiko.
Walang komento:
Mag-post ng isang Komento