Ibinunyag ni Department of Migrant Workers (DMW) Secretary Hans Leo Cacdac ang diumano'y mga iregularidad sa ₱1.4-bilyong halfway house project ng dating OWWA Administrator na si Arnell Ignacio, na ayon sa kanya ay hindi dumaan sa wastong proseso at puno ng “red flags.”
“Ang layunin ko lang ay makapagpatayo ng mga tirahan para sa ating mga kababayang OFW. Kung may naging pagkukulang sa proseso, ako'y bukas sa imbestigasyon at handang makipagtulungan upang maliwanagan ang isyu.” — Arnell Ignacio, Former OWWA Administrator
Sa panayam ni Karen Davila sa Headstart ng ANC nitong Mayo 27, 2025, idinetalye ni Cacdac ang mga posibleng paglabag kaugnay sa pagbili ng lupa para sa mga OFWs.
Ang proyekto ay nakalaan sana bilang mga pahingahan o pansamantalang tirahan ng mga balikbayan o distressed OFWs habang nag-aasikaso ng kanilang pag-uwi o dokumento. Isang mahalagang hakbang ito para sa kanilang reintegrasyon.
Ngunit ayon kay Cacdac, may mga pagkakamaling hindi maaaring palampasin.
“There was no OWWA board approval for the project itself. The OWWA Charter mandates that all major transactions, especially real property acquisitions, must be approved by the board. That did not happen here. — Hans Leo Cacdac, DMW Secretary
Ang pagbubunyag ni Secretary Hans Cacdac ay naglalagay ng malaking tanong sa integridad ng pamamahala sa pondo ng OFWs — pondo na dapat sana ay para sa kanilang kapakanan. Kung mapapatunayan ang mga iregularidad, ito ay isang seryosong usapin ng accountability at transparency na dapat tutukan hindi lang ng mga ahensya ng gobyerno kundi ng publiko.
Walang komento:
Mag-post ng isang Komento