Tuklasin natin si Gwen Garimond Gawk, ang nag-iisang anak na lalaki ni Jaclyn Jose. Si Gwen ay ang kanyang iho na itinuturing ni Jaclyn na pinakamahalaga sa buhay.
Isinilang si Gwen noong Hulyo 15, 2001. Siya ay kapatid sa ina ni Andi Eigenmann, at ang kanyang buong pangalan ay Gwen Garimond Ilagan Gawk.
Anak si Gwen ng yumaong aktres sa kanyang dating kasintahan na si Kenneth Ilagan. Nagtagal ng halos anim na taon ang relasyon nina Jaclyn Jose at Kenneth Ilagan. Kilala si Kenneth Ilagan bilang isang magaling na musikero at gitarista. Katulad ng kanyang ama, mahilig at bihasa rin si Gwen sa larangan ng musika.
Napag-alamang mahusay din si Gwen sa pag-awit, kung saan siya ay nagsagawa ng live performance para sa kaarawan ng kanyang pinsan. Bagamat maraming oportunidad na nagbukas sa mundo ng showbiz para sa kanya dahil sa kasikatan ng kanyang ina, pinili niyang tapusin muna ang kanyang pag-aaral bago pumasok sa industriya.
Sa kasalukuyan, kasapi siya ng isang grupo ng banda na Susperia Pink, kung saan siya ay bassist.
Pinayagan ni Jaclyn ang kanyang anak na sundan ang kanyang mga hilig at magdulot ng kaligayahan sa kanya. Nagsikap si Gwen na masaksihan ang trabaho ng kanyang ina sa showbiz upang magkaroon ng ideya kung ano ang nangyayari sa larangan.
Madalas ding makita si Gwen kasama si Jaclyn sa mga espesyal na okasyon tulad ng seremonya ng pagkilala at premiere night. Ngayon, patuloy niyang tinatapos ang kanyang pag-aaral sa Amerika.
Ngunit dahil sa biglang pagpanaw ng kanyang ina, naghahanap siya ng paraan upang makauwi sa Pilipinas at makita ang huling sandali ng kanyang minamahal na ina.
Walang komento:
Mag-post ng isang Komento