Napabalitang hiwalay na sina Kathryn Bernardo at Daniel Padilla dahil sa diumano'y pagiging sobrang protektibo ni Daniel. Marami sa mga tagahanga ng Kathniel ang nagsasabi na baka naramdaman ni Kathryn ang labis na paghihigpit ni DJ, lalo na sa kanyang pananamit, pakikisalamuha, pagpapahayag, at mga kilos. Ayon sa mga ulat, tila kinakailangan ni Kathryn na humingi ng permiso kay Daniel sa bawat kilos o desisyon, maging sa kanyang isusuot.
Ito ang nagtulak sa ilang tagahanga na isipin na baka nga 'nasakal' si Kathryn sa ganitong setup. Sa loob ng halos 12 taong pagsasama, posible raw na matagal nang tinitiis ni Kathryn ang ganitong pag-uugali ni Daniel. Sa kabila nito, may mga nagsasabi rin na ang pagiging protektibo ni Daniel ay may layuning protektahan si Kathryn, lalo na sa mga maaaring maling pagtingin o hindi kanais-nais na komento mula sa iba.
Pinoprotektahan din ni Daniel si Kathryn mula sa posibleng hindi magandang impluwensya sa loob ng showbiz industry, sa pag-aakalang hindi lahat ng tao sa paligid nila ay maaaring maging tunay na kaibigan. Marahil, hindi lang sang-ayon si Kathryn sa ganitong uri ng pag-aalaga at nais niyang magkaroon ng higit na kalayaan sa kanyang mga desisyon at kilos, na siyang kanyang tinatamasa ngayon.
Ang paghihiwalay ng Kathniel ay naging paksa ng espekulasyon at talakayan ng maraming tagahanga at netizens. Ipinapalagay ng ilan na sana ay naresolba ang isyu sa pamamagitan ng mas bukas na komunikasyon at pagiging tapat sa isa't isa. Ngunit, may paniniwala rin na bawat pangyayari ay may itinakdang dahilan ng Diyos, at sa tamang panahon, malalaman din ang tunay na rason ng kanilang paghihiwalay. Sa ngayon, marapat lang na bigyan sila ng espasyo para makapag-move forward at makapagsimula muli.
Walang komento:
Mag-post ng isang Komento