Ang anak ni Jaclyn kay Kenneth Ilagan, talaga namang napakagwapo. Ngayon, ang atensyon ng marami ay nakatuon sa kanais-nais na anak na lalaki ng sikat na artista na si Jaclyn Jose, na kilala ng marami bilang isang dekalibre at award-winning na aktres.
Nag-iwan si Jaclyn ng mahalagang marka sa industriya ng sining dahil sa kanyang kahanga-hangang galing sa pag-arte na nagdala sa kanya ng maraming Best Actress Awards. Isa na rito ang pagkapanalo niya bilang Best Actress sa 2016 Cannes Film Festival para sa kanyang pagganap sa pelikula ni Direk Brilliante Mendoza na "Ma' Rosa," kung saan siya ang unang Filipina at South East Asian na nag-uwi ng nasabing award.
Bukod sa pagiging isang magaling na aktres, mahusay din na nagampanan ni Jaclyn Jose ang papel ng pagiging isang single mom sa kanyang mga anak na sina Andi Eigenmann at Gwen Guck Ilagan. Pagkamatay ng batikang aktres, marami ang nacurious kung sino si Gwen, ang kanyang anak na lalaki. Ang di alam ng marami, may anak din pala si Jaclyn Jose na lalaki na napakagwapo.
Si Gwen Garimond ay anak ni Jaclyn Jose kay Kenneth Ilagan, na dating guitarista ng mga sikat na 90s Pinoy Bands tulad ng The Dawn at True Faith. Ipinanganak si Gwen noong June 15, 2004. Bilang nag-iisa niyang anak na lalaki at hindi na nakapag-asawa ulit, itinuturing ng award-winning actress si Gwen bilang kanyang 'only man' sa buhay. Kaya naman labis ang kalungkutan ni Jaclyn nang magpaalam si Gwen na mag-aaral sa Amerika.
Nag-aral si Gwen sa Ateneo de Manila University bago siya pumunta sa Amerika upang ipagpatuloy ang kanyang pag-aaral. Bagamat may offer siya na mag-artista, mas pinili ni Gwen na magtrabaho sa likod ng kamera bilang editor o film-storer. Gayunpaman, hindi maikakaila ang kanyang husay sa pag-awit. Noong 2020, kumanta si Gwen sa Kumu live kasama ang kanyang pinsan na si Abby Asistro, kung saan inawit niya ang ilang kanta ng kanilang banda na Suspiria Pink. Nakatanggap din siya ng pansin sa musika, at ngayon, siya ang bassist ng kanilang banda.
Base sa ilang video sa lamay ni Jaclyn, wala pa sa Pilipinas si Gwen. Hinihintay siya ng kanyang mga kamag-anak bago ayusin ang libing ng premyadong aktres.
Walang komento:
Mag-post ng isang Komento