Muling magpaparetoke si Xander Ford (dating kilala bilang Marlou Arizala) sa ilalim ng pangangalaga ni Dr. Samuel Eric “Doc Yappy” Yapjuanco ng The Icon Clinic, pitong taon matapos ang kanyang unang malaking transformation noong 2017.
“Excited ako sa bagong chapter na ‘to. Salamat kay Mama Senyora at kay Doc Yappy sa tiwala at suporta. Abangan niyo, mas gaganda pa ako!” – Xander Ford
Sa Facebook post ni Doc Yappy, ibinahagi niya ang litrato nila ni Xander na may caption: “Guess who’s back! Marlou S. Arizala! Medyo madami tayo gagawin, abangan sa Rated Korina!” Nagbiro pa siya sa mga netizens kung ano ang dapat ayusin sa kanya, na agad naman nagpasiklab ng iba’t ibang reaksyon at komento online.
Ang unang retoke ni Xander noong 2017 ay umabot sa halagang ₱435,000 at kinabibilangan ng rhinoplasty (nose job), chin augmentation, eyelid surgery, at dental works. Bumalik din siya sa The Icon Clinic noong 2018 at 2019 para sa minor touch-ups at maintenance procedures.
Ngayong 2025, muling nakipagkita si Xander kay Doc Yappy kasama si Facebook personality Senyora, na kanyang pinasalamatan sa suporta. Sa kanyang post, sinabi niya: “THANK YOU MAMA @senyora.official and Daddy for suport me.” Hindi pa isinasapubliko kung anong mga pagbabago ang gagawin sa kanyang bagong makeover, ngunit siguradong ito ay magiging usap-usapan muli sa social media, gaya ng nangyari noong unang beses siyang nagpaayos ng itsura.
Ang pagbabalik ni Xander Ford sa The Icon Clinic ay isa na namang patunay na hindi siya natatakot magbago para sa sarili, kahit pa may mga puna at biro mula sa publiko. Sa tulong ni Doc Yappy at ng mga sumusuporta sa kanya, tila handa na ulit siyang humarap sa spotlight na may panibagong itsura at panibagong kumpiyansa.
Walang komento:
Mag-post ng isang Komento