Ibinahagi ng aktres na si Ryza Cenon ang nakakagulat na kwento sa likod ng kanyang pagpasok sa showbiz, partikular noong siya ay tinanghal na Ultimate Female Star ng StarStruck Season 2 noong 2004.
“Sa totoo lang po, hindi ko talaga pinangarap noon na maging artista. Pero dahil sa pagkakataong ibinigay, natutunan kong mahalin ang pag-arte. Masaya ako na naging bahagi ako ng showbiz, at nagpapasalamat ako sa lahat ng sumuporta mula noon hanggang ngayon.” -Ryza Cenon
Ayon kay Ryza, hindi siya ang dapat na sumali noon sa audition kundi ang kanyang pinsan.
Sa isang panayam, inalala niya:
“’Yung pinsan ko po kasi talaga dapat ‘yung mag-o-audition. And then, hindi po siya puwede kasi hindi pa 16 that time, ako po ‘yung pasok sa age.”
Dahil siya ang nakaabot sa required age, si Ryza ang nag-audition kapalit ng pinsan niya at hindi niya inakalang siya pa ang mag-uuwi ng titulo bilang Ultimate Female Star.
Aminado si Ryza na noong una, wala talaga siyang interes sa pag-aartista. Ngunit dahil sa opportunity na dumating, natutunan niyang mahalin ang industriya.
“Wala po talaga sa plano, pero siguro talaga, kung para sa’yo, para sa’yo. Nagulat na lang ako, unti-unti ko nang nagugustuhan ang pag-arte,” dagdag pa niya.
Sa kasalukuyan, si Ryza ay kilala na bilang isa sa mga versatile actresses ng kanyang henerasyon mula sa mga teleserye hanggang sa mga pelikula.
Ang kwento ni Ryza Cenon ay patunay na minsan, ang mga hindi mo inaasahan ang siyang nagiging simula ng tagumpay. Hindi dahil wala kang balak pumasok sa isang bagay ay hindi mo na ito kayang pagtagumpayan.
Katulad ng naging journey niya, minsan kailangan lang nating subukan, dahil baka doon pala magsimula ang mas malaking oportunidad.
Walang komento:
Mag-post ng isang Komento