Isang makasaysayang tagumpay ang inuwi ng Pilipinas matapos si CJ Opiaza ang opisyal na hirangin bilang Miss Grand International 2024 — ang kauna-unahang Filipina na nakamit ang prestihiyosong korona mula sa patimpalak na ginanap sa ibang bansa.
“Para ito sa bawat Pilipina na pinagdududahan, minamaliit, o kinakalimutan. Ngayon, hawak ko ang korona hindi lang para sa sarili ko, kundi para sa bawat kababayan ko. Pilipinas, panalo tayo!” - CJ Opiaza
Ang anunsyo ay naganap matapos na binitiwan ng India’s Rachel Gupta ang titulo. Bagamat hindi detalyado ang dahilan ng kanyang pag-atras, malinaw na ang korona ay opisyal nang iniabot kay Opiaza, na nagtamo ng matinding suporta mula sa mga pageant fans hindi lamang sa Pilipinas kundi pati na rin sa buong mundo.
Ang pagkapanalo ni CJ ay hindi basta suwerte — ito ay bunga ng kanyang sipag, determinasyon, at galing sa bawat bahagi ng kompetisyon. Mula sa national costume hanggang sa question and answer, palaging napatunayan ni Opiaza na siya ay may puso, talino, at tapang na tunay na Pilipina.
Sa isang pahayag, hindi naitago ni CJ ang kanyang tuwa at pagkamangha sa pangyayari:
“Hindi ko po inakala na ako ang magiging unang Filipina na mag-uuwi ng korona. Pero ngayon na nandito na ako, ang tanging nais ko ay gamitin ang titulong ito para maging boses ng kababaihan at ng mga Pilipino sa buong mundo,” ani ni CJ.
Bukod sa karangalan, dala ni CJ ang pangarap ng marami — na makita ang Pilipinas sa spotlight ng international beauty scene at kilalanin hindi lang sa ganda, kundi sa paninindigan.
Walang komento:
Mag-post ng isang Komento