Buong puso at may ngiti pa rin sa labi ang naging reaksyon ni Marco Gumabao, kandidato sa pagka-kongresista ng Camarines Sur 4th District, matapos matalo sa katatapos na halalan. Sa kanyang Instagram post, ibinahagi ni Marco ang kanyang taos-pusong pasasalamat sa lahat ng sumuporta at tumulong sa kanyang kampanya.
Bagama’t hindi naging pabor ang resulta, tiniyak ni Marco na hindi ito magiging hadlang sa kanyang layuning maglingkod sa mga tao. Sa halip, mas lalo pa raw siyang na-inspire na ipagpatuloy ang nasimulang adbokasiya.
“Maraming, maraming salamat po. 💙 Sa bawat nakipagkamay, nakipagkwentuhan, at nagbukas ng puso’t tahanan sa amin nitong nakaraang mga buwan—taos-puso po ang aking pasasalamat. Hindi man ito ang resulta na aming hinangad, alam kong ibinigay natin ang lahat, at buong puso tayong lumaban,” ani Marco.
Dagdag pa niya, ang tunay na serbisyo ay hindi nasusukat sa posisyon kundi sa dedikasyong tumulong kahit walang opisyal na titulo.
“Sa lahat ng tumulong at naging bahagi ng laban na ito—hindi ito ang katapusan. Nandito lang ako. Hindi ko kayo iiwanan. Ang serbisyo at malasakit, hindi lang nasusukat sa puwesto,” sabi pa niya.
“Magkikita pa rin tayo, at magtutulungan pa rin tayo—dahil ang tunay na laban ay para sa inyo.”
Ang pagkatalo ni Marco Gumabao sa halalan ay hindi naging hadlang upang ipahayag niya ang kanyang tunay na intensyon sa serbisyo. Sa halip na panghinaan ng loob, mas pinili niyang magpasalamat, magpakatotoo, at mangakong magpapatuloy sa adbokasiyang para sa bayan.
Ito ay isang paalala na ang tunay na public servant ay hindi lang matatagpuan sa loob ng Kongreso, kundi sa bawat taong handang tumulong, makinig, at kumilos para sa kapwa—sa anumang kapasidad.
Walang komento:
Mag-post ng isang Komento