Sa isang press conference na isinagawa ngayong araw, nagsalita ang pamilya Eigenmann upang tugunan ang dami ng pakikiramay at suportang natanggap mula sa publiko. Nilinaw ng pamilya na ang pagkawala ni Ms. Jaclyn Jose, sa edad na 60, ay hindi dahil sa mga dahilang kumakalat kamakailan na katulad ng kaso ni Ronaldo Valdez.
Binigyang diin nila na si Ms. Jaclyn ay natagpuang walang buhay sa kanyang tirahan sa Loyola Grand Villas sa Quezon City. Sa opisyal na pahayag na inilabas ni Andi Eigenmann, inihayag niyang myocardial infarction o heart attack ang naging sanhi ng biglaang pagyao ng kanyang ina.
Batay sa ulat na lumabas kahapon, walang malay ang beteranang aktres nang matagpuan sa kanyang bahay. Nang mga sandaling iyon, inatake na siya sa puso at sa kasamaang palad, hindi na siya nagawang maisalba pagdating sa ospital.
Sa isang maigsing panayam na ibinahagi ng pamilya Eigenmann, pinangunahan ni Andi Eigenmann ang paghiling sa publiko na respetuhin ang kanilang privacy sa panahong ito ng pagluluksa. Humihingi rin sila ng panalangin para makayanan ang matinding sakit na dulot ng pagkawala ng kanilang mahal sa buhay.
Sa kasalukuyan, wala pang ibinabahaging detalye ang pamilya tungkol sa posibilidad ng isang public viewing para sa mga tagahanga at tagasuporta ni Ms. Jaclyn Jose, na karaniwang ginagawa para sa mga yumaong kilalang personalidad sa industriya ng showbiz.
Walang komento:
Mag-post ng isang Komento