Habang papalapit na naman ang panibagong typhoon season, muling inilabas ng PAGASA ang opisyal na listahan ng mga pangalan ng bagyo na maaaring pumasok sa Philippine Area of Responsibility (PAR) sa taong 2025.
Ang pagbibigay ng pangalan sa bagyo ay ginagawa upang mas madaling matandaan at mabigyang babala ang publiko sa posibleng epekto ng mga ito sa kanilang lugar. Mula A hanggang Z, ang mga pangalan ay inihanda na sakaling umabot sa 25 ang bilang ng mga bagyong tatama sa bansa sa loob ng isang taon.
Narito ang opisyal na listahan ng mga pangalan ng bagyo para sa 2025:
Auring
Bising
Crising
Dante
Emong
Fabian
Gorio
Huaning
Isang
Jacinto
Kiko
Lannie
Mirasol
Nando
Opong
Paolo
Quedan
Ramil
Salome
Tino
Uwan
Verbena
Wilma
Yasmin
Zoraida
Ayon sa PAGASA, ang mga pangalang ito ay inihanda nang maaga upang magkaroon ng mabilis na pagkakakilanlan sa bawat bagyo. Kapag ang isang bagyo ay naging sobrang mapaminsala, ang pangalan nito ay inaalis na sa listahan at pinalitan upang hindi na muling gamitin.
Habang wala pang katiyakan kung gaano kalakas o gaano karami ang bagyong darating sa bansa sa 2025, mas mahalaga pa rin ang maagang paghahanda at pagiging alerto. Sa bawat pangalang ibinunyag ng PAGASA, kaakibat nito ang responsibilidad nating protektahan ang ating pamilya, komunidad, at kalikasan.
“Hindi natin kontrolado ang kalikasan, pero kontrolado natin ang ating paghahanda,” paalala ng PAGASA sa publiko.
Walang komento:
Mag-post ng isang Komento