Isang hindi inaasahang tagpo ang naganap sa Senado nang mahuli sa camera ang pagiging sweet at paghalik nina Senator Win Gatchalian at Bianca Manalo. Ang insidenteng ito ay nangyari habang nagtatalumpati si Department of Education Secretary Sonny Angara para sa kanyang huling pahayag bilang Senador.
Ang eksenang ito ay agad ding ibinahagi ni Secretary Angara sa kanyang Instagram page. Sa larawang kanyang ipinost, makikita sa background ang pagiging malambing ng dalawa habang nasa opisyal na gawain.
Si Bianca Manalo, na isang aktres, ay tila nahiya sa pangyayari matapos makita ang kanilang larawan. "Oh my gosh," ang kanyang naging komento sa post. Samantala, nakatanggap din ng komento mula kay Senator Gatchalian ang nasabing post. "Hahaha! Bagsak kami sa good manners and right conduct Mr. Secretary. I didn’t see the camera was focused to the back," sagot niya, na ipinahayag ang kanyang pagkabigla at pagpapatawa sa nangyari.
Sumagot naman si Secretary Angara ng, "Ayos Lang Mr. Chairman! Madami Lang nainggit. Sana all daw."
Ang tagpong ito ay hindi lamang nagdulot ng kilig kundi pati na rin ng iba't ibang reaksyon mula sa netizens. May ilang di nasiyahan sa inasal ng dalawa sa pampublikong lugar. "Di na nirespeto ung senado," sabi ng isang netizen. "Pls lang. wag nyong gawin in public ang kahalayan nyo. Nang-iinggit kayo e," komento naman ng isa. Samantalang ang iba ay nagbiro na, "Wala ba talagang pinipiling lugar?"
Ang sweet na eksena sa Senado ay maaaring kontrobersyal, ngunit ito rin ay nagpapakita kung paano kahit sa mga seryosong lugar ay maaaring mangyari ang mga personal na sandali.
%20(1).png)
%20(1).png)
%20(1).png)
%20(1).png)
Walang komento:
Mag-post ng isang Komento